Rooh Ne Allah Se

روح نے اللہ سے عشقِ پیمبر لے دیا اور پیمبرؐ نے مجھے فردوس میں گھر لے دیا

کس قدر آرام ملتا ہے خدا کی یاد میں پھر نہ آئی نیند اسے جس کو یہ بستر لے دیا

پیار کا پرچم تھما کر ہاتھ میں تلوار دی بزدلی نیلام کر کے زرہ بکتر لے دیا

آگہی ایماں محبت عدل تقویٰ سادگی زندگی کو کس قدر انمول زیور لے دیا

خاک پر جو بیٹھتا تھا اُس جلیل القدر نے کمتری کو عزتیں پستی کو منبر لے دیا

پیاس محشر کی نہ جب برداشت مجھ سے ہوسکی رحمتوں نے شافعِ محشر سے کوثر لے دیا

Never Be Without Your Favorite Lyrics - Get the App for Offline Access!

دینے والا اس قیامت کا کوئی دیکھا نہیں میں نے جو مانگا نہیں وہ بھی مظفر لے دیا