Rehmat e Do Jahan

Rahmat-e-do-jahan, hami-e-bekasan, Shah-e-kon-o-makan Woh kahan main kahan

Sarwar-e-sarwaran, rahbar-e-rahbaran, tajdar-e-shahan Woh kahan main kahan

Un ki khushbu se mehke chaman dar chaman, tazkire aap ke anjuman anjuman Chand ki chandni, taron ki roshni, un ke rukh se ayan Woh kahan main kahan

Kis tarah se, kahan se karun ibtida, un ke ausaf ki hai kahan intiha Un ka rutba hai kya, khud hi jaane Khuda, kya karun main bayan Woh kahan main kahan

Woh na hote toh kuch bhi na hota yahan Un ke hone se hai sab ka naam-o-nishan Yeh zameen aasman, yeh makan la-makan, saare un ke makan Woh kahan main kahan

Mah-liqaa, dil-kusha, khush-nawa, khush-ada, rahnuma, peshwa, Mujtaba, Mustafa Jumla mahbubiyan, an-ginat khubiyan, meri qasir zaban Woh kahan main kahan

No More Screenshots! Save Storage with Our Lyrics App!

Umr guzre meri zikr-e-Sarkar mein, jaaun un ke Zahoor-i jo darbar mein Aakhri saans lun, naat parhta rahoon, khatam hogi yahan Woh kahan main kahan