Rab Aap Banaya Ae

رب آپ بنایا اے دلدار بڑا سوہنا نالے خود فرمایا اےمرایار بڑا سوہنا

دن سارےای سوہنےنیں جہڑےرب نے بناۓنیں جہڑےوار نبی آیا اوہ وار بڑا سوہنا

دشمن نوں دعا دیوےڈگیاں نوں اٹھا دیوے اسلام دے بانی دا کردار بڑا سوہنا

سرکاردے موہڈیاں تے شبیرپیا کھیڈے اسواری بڑی سوہنی اسواربڑا سوہنا

ہروارمزا وکھرا روضےدی زیارت دا سوہنے دابلاوا اے،ہر وار بڑا سوہنا

دنیا دیاں شہراں دے بڑےسوہنےنظارےنیں پر سوہنےتوں سوہنےدا دربار بڑا سوہنا

خود حال جیدا آ کے سرکار نے پچھیا اے مرے کملی والے دا بیمار بڑا سوہنا

دنیا دے سفراں توں بندہ اک وی تےجاندہ اے پر سفر مدینے دا ہر وار بڑا سوہنا

سب دیاں حلیمہ نوں حیرت نال پچھ دیاں نیں دس کتھوں لیائی ایں دلدار بڑا سوہنا

سوہنے دیاں نعتاں نیں سوہنےدیاں باتاں نیں ملیا اے ظہوری نوں اظہار بڑا سوہنا