Qafle Ne Sue Taiba Kamar Arai Ki

قافلے نے سُوئے طیبہ کمر آرائی کی مشکل آسان الہٰی مری تنہائی کی

لاج رکھ لی طمعِ عفو کے سودائی کی اے میں قرباں مِرے آقا بڑی آقائی کی

فرش تا عرش سب آئینہ ضمائر حاضِر بس قسم کھائیے اُمّی تِری دانائی کی

Free Up Space - Get Lyrics Without Bulky Screenshots!

شش جہت سمت مقابل شب و روز ایک ہی حال دُھوم وَالنَّجم میں ہے آپ کی بِینائی کی

پانچ سو سال کی راہ ایسی ہے جیسے دو گام آس ہم کو بھی لگی ہے تِری شنوائی کی

چاند اشارے کا ہلا حکم کا باندھا سورج واہ کیا بات شہا تیری توانائی کی

تنگ ٹھہری ہے رضاؔ جس کے لئے وُسعتِ عرش بس جگہ دل میں ہے اس جَلوۂ ہرجائی کی