Qafla Sue Madina Aa Raha Hai

قافلہ سوئے مدینہ آرہا ہے ہو کرم سوزشِ سینہ عطا ہو یانبی دو چشم نم

قافلہ اب چل مدینہ کا چلا سوئے حرم یا رسولَ اللہ! سب پر کیجئے چشم کرم

قافلے میں ’’چل مدینہ‘‘ کے ہیں جتنے بھی شریک سب پہ ہو رَحمت خدا کی مصطفی کا ہو کرم

شاہِ والا! میں گنہگاروں کا بھی سردار ہوں تم شہِ ابرار ہو یا سید عرب و عجم

فضل رب سے آپ تو ہر چیز کے مختار ہیں عرشِ اعظم آپ کا ہے، آپ کے لوح و قلم

یانبی! مجھ کو بنادو تم مدینے کا فقیر میں نہیں، ہرگز نہیں ہوں طالب جاہ و حشم

No Internet? No Problem! Get the App for Offline Lyrics!

یانبی! ہم کو شفاعت کی عطا خیرات ہو عاصیوں کا آپ کے ہاتھوں میں ہے آقا بھرم

گنبد خضرا کو چومے جس گھڑی میری نظر کاش! اُسی دم دیکھ لوں میں جلوۂ شاہِ اُمم

دم لبوں پر آگیا عطارؔ کا یامصطفی ہو کرم شاہِ حرم! نکلے ترے جلووں میں دم