Noori Mukhra Naly Zulfaan Ne Kaaliyan

نوری مکھڑا نالے زلفاں کالیاں صدقےواری جان ویکھن والیا

چن چڑھیا آمنہ دے لال دا مک گیاں دنیا توں راتاں کالیاں

تیرےویہڑےکھیڈےرب دا لاڈلا واہ حلیمہ تیریاں خوش حالیاں

ویکھ کے رتبہ بلال حبشی دا ہو گیاں قربان شکلاں والیاں

لکھاں اوہدے درداپانی بھردیاں صورتاں من موہنیاں متوالیاں

سوں گئی امت تے آقاﷺ جاگدے کیتیاں سرکار نے لجپالیاں

بے کساں مظلوماں دکھیاراں دیاں میرے آقا کیتیاں رکھوالیاں

میرا منہ آ کے فرشتےچم دے چماں جد روضےدیاں میں جالیاں

عشق دے جھلےای نمبر لےگۓ عقلمنداں ایویں عمراں گالیاں

More Lyrics, Less Storage - Install the App and Ditch the Screenshots!

اجڑیاں راہواں توں سوہنا گزریا چارے پاسےہو گیا ہریالیاں

میں ظہوری صدقے اوہدے نام توں ساریاں جس نے بلاواں ٹالیاں