Meri Hayat Ka Gar Tujh Se Intesab Nahi

Meri hayat ka gar tujh se intisab nahin To phir hayat se barh kar koi azab nahin

Umarh rahi hain agar aandhiyan, to kya gham hai Ke mera khaimat-e-iman be-tanab nahin

Tera gada hoon, aur is anjuman mein baitha hoon Jis anjuman mein salateen bhi baryab nahin

Get Lyrics On-The-Go! Download Our App Now!

Tere kamal-e-musawat ki qasam hai mujhe Ke tere deen se bara koi inqilab nahin

Sadi sadi ki tawareekh-e-adamiyat mein Teri misaal nahin hai, tera jawab nahin

Nadeem par tere ehsan hain is qadar jin ka Koi shumar nahin hai, koi hisab nahin