Mere Kaam Aa Gayi Zindagi

مرے کام آگئی زندگی مجھے تو ملا تو خدا ملا ہوا آنسوؤں میں جو غوطہ زن تو سمندروں سے میں جا ملا

نہ ادھر گئی نہ ادھر گئی یہ نگاہ تجھ پہ ٹھہر گئی مجھے جب تلاش کیا گیا تیرے راستے میں پڑا ملا

تھا وجود تیرا عدم میں بھی تری دھڑکنیں ہیں حرم میں بھی تری ڈور ہاتھ میں آگئی تو حقیقتوں کا سرا ملا

در مصطفؐےٰ پر گرا تھا میں جب اٹھا تو بدلا ہوا تھا میں جو کبھی ہوا ہی نہ تھا ہوا، جو کبھی ملا ہی نہ تھا ملا

دیا ساتھ شو ق رسائی نے تو چمک اٹھے مرے آئنے تری نعت آئی زبان پر تو جمال حرف و نوا ملا

مرے اردگرد کے اژدہے مجھے رہن خوف نہ کرسکے کبھی تو جو مو سیٰ کے ہاتھ میں مجھے آپ سے وہ عصا ملا

Your Lyrics, Even Offline - Install the App for Free!

اسے اور کوئی طلب نہ تھی وہی تھا مظفر وارثی وہ جو اک فقیر سا عمر بھر ترے در پہ بیٹھا ہوا ملا