Mein Ne Mana Ke Woh Mera Hai

Main ne maana ke woh mera hai to sab ka bhi wahi Mujh ko yeh naaz woh sab ka hai to mera bhi wahi

Sar uthata hoon to aflak ko mas karta hai Ke jo mehboob-e-Khuda hai mera apna bhi wahi

Misl us ka koi aaya hai, na ab aayega Mera maazi bhi wahi hai, mera farda bhi wahi

Woh meri aql mein hai, woh mere wijdaan mein hai Meri duniya bhi wahi hai, meri uqba bhi wahi

Us ke ehkaam bhi kaliyon si chatak rakhte hain Mera aaqa bhi wahi hai, mera pyara bhi wahi

Woh jo barsa, meri tashkeek ke sehraon par Mere wehmon ki shab-e-taar mein chamka bhi wahi

Download Lyrics & Access Offline - Install Our App Now!

Kitni sadiyon se hai woh Gumbad-e-Khizra mein makeen Aur har daur mein har samt, ho paida bhi wahi

Woh bashar hai ke yahi us ka hai irshaad, magar Is jahan-e-bashariyat mein hai yakta bhi wahi

Garche parkaar-e-mashiyat ka wahi daira hai Lekin is daire ka markazi nuqta bhi wahi

Jis ke insaaf ne patthar ko bhi bakshi hai zabaan Be-nawaon ki nawaon ko sunega bhi wahi