Mein Apne Aap Ko Jab

میں اپنے آپ کو جب ڈھونڈتا ہوا نکلا مرا وجود ہی ان کا نشانِ پا نکلا

غبار پائے محمدؐ پہن کے کیا نکلا حدودِ راہ سے ایک اور راستہ نکلا

ازل بھی ایک سرا اس کی ڈور کا نکلا قدیم ہوتے ہوئے کس قدر نیا نکلا

Never Be Without Your Favorite Lyrics - Get the App for Offline Access!

گناہ توبہ کی دہلیز پر جب آنکلا سمجھ رہا تھا جسے اژدھا، عصا نکلا

وہ آئینہ لیے کردار مصطفےؐ نکلا کہ جس نے دیکھا خدا کے قریب جا نکلا

ہر ایک اشک بہ پیرایہء دعا نکلا تو خشک خشک مظفر ہرا بھرا نکلا