Mehman La Makan Ke Qurban Jaye

Mehman-e-La-makan ke qurban jaiye Sarkar-e-do-jahan ke qurban jaiye

Dekha ba-chashm-e-sar hai Khuda ko jo aap ne Allah re aisi shan ke qurban jaiye

Isra ki raat hoor-o-malak sehra-khwan the Us izz-o-jah-o-aan ke qurban jaiye

Meraj mein muhib ko jo mehboob ne diya Us ajz-e-armaghan ke qurban jaiye

"Man zara qabri" keh ke shafa'at jo daan ki Aaqa ke aise daan ke qurban jaiye

Hazrat Bilal parhte the Aaqa ko dekh kar Aise azaan-khwan ke qurban jaiye

Aaqa ke samne bhi sunate rahe jo naat Phir Hazrat-e-Hassan ke qurban jaiye

Zahra, Ali-o-Zainab-o-Hasnain jis mein hain Aaqa ke khandan ke qurban jaiye

Mehshar mein hai nijat Muhammad ke naam se Us naam-e-aali shan ke qurban jaiye

Shahr-e-Nabi ka izn-e-ziarat jinhein mila Aise musafiran ke qurban jaiye

Jannat bhi rashk karti hai jis ki bahaar par Taibah ke gulistan ke qurban jaiye

No Internet? No Problem! Get the App for Offline Lyrics!

Ya Rab-e-habli ummati kehte rahe Huzoor Aaqaye mehrban ke qurban jaiye

Farma diya Huzoor ne Haidar hai meri jaan Hasni phir un ki jaan ke qurban jaiye