Woh Haider Woh Safdar

Woh Haider woh Safdar woh Shah-e-Wilayat, tasarruf mein hai jin ke kul auliai Hai Man Kuntu Maula bhi aizaaz jin ka, Nabi jin ko farmayein khud apna bhai

Shikoh-e-Uhud woh Badr ki phaban hain, Khuda ke Asad hain woh Khaibar shikan hain "Duneem un ki thokar se sehra-o-darya, simat kar pahar un ki haibat se rai"

Woh Maitham hue hain woh Qanbar hue hain, Khuda ki qasam woh qalandar hue hain Sharab-e-Wilayat Shah-e-Hal-Ata ne hai nazron se apni jise bhi pilai

Woh majzoob-o-salik ko dar par bula ke, milate hain phir Mustafa-o-Khuda se Ali shehr-e-hikmat ka hain baab-e-yakta wahin se hai mumkin Nabi tak rasai

Instant Access to Thousands of Lyrics - Tap to Install!

KaramAllahu wajhah-ul-karim un ka chehra, hua dast-e-Haider hi dast-e-Yadullah Ba-Kaaba wiladat ba-masjid shahadat, siwa in ke tauqeer kis ne yeh pai

Nabi apne hamrah Jibreel laye, hain Siddiq-o-Farooq-o-Usman aaye Hain ghar mein hamare jinan ke nazare Ali ki hai hum ne jo mehfil sajai

Mere dil mein aa kar kahein mujh se Buzar, Najaf ka safar kar pahunch un ke dar par Aye Hasani-e-Ahqar, woh Maula hain Nasir, unhein karni aati hai mushkil kushai