Mehboob e Mustafa Bhi Hai

Mahboob-e-Mustafa bhi hai Usman-e-Zulnoorain Ik paikar-e-sakha bhi hai Usman-e-Zulnoorain

Jis se haya Khuda o Habib-e-Khuda karen Woh sahib-e-haya bhi hai Usman-e-Zulnoorain

Chashme teri sakha ke hain ab bhi rawan dawan Kunwen ka silsila bhi hai Usman-e-Zulnoorain

Sab aghniya huye hain tere dar se hi ghani Ta-haal baant-ta bhi hai Usman-e-Zulnoorain

Tu meer-e-Muslimeen hai tu meer-e-momineen Tu ja-nasheen hua bhi hai Usman-e-Zulnoorain

Rah-e-Khuda mein jaan bhi, asbab o maal bhi Sab kuch tera fida bhi hai Usman-e-Zulnoorain

Allah re ajab hai tera shaan o martaba Damad-e-Mustafa bhi hai Usman-e-Zulnoorain

Find Your Favorite Lyrics Anytime, Anywhere - Install the App Today!

Tu hai ke jis ne barha jannat khareed li Sultan-e-asqiya bhi hai Usman-e-Zulnoorain

Hasni-e-kam-sukhan ka bhi pahunche tujhe salam Tu is ka peshwa bhi hai Usman-e-Zulnoorain