We've added ads to help keep the platform running and improving for you. Learn More
لب کھولتے ہیں مدحتِ سرکار کے لۓ ہم جی رہے ہیں سیدِ ابرار کے لۓ
ارض و سما میں جو بھی خدا نےبنا دیا سب کچھ ہے دوجہاں کے سردار کے لۓ
وہ شہر بےمثال مدینہ کہیں جسے اللہ نے چن لیا اسے دلدار کے لۓ
مدت سے منتظر ہے مری چشم اشکبار سردارِ کائنات کےدیدارکے لۓ
آنکھوں میں اشک آہ لبوں پردلوں میں سوز نسخہ یہی ہے عشق کے بیمار کے لۓ
نسبت ظہوری گنبد خضریٰ سے ہو گئی لاکھوں سلام اس در و دیوار کے لۓ
