Kyun Barwein Pe Hai

Kyun barahwein pe hai sabhi ko pyaar aa gaya Aaya isi din Ahmad-e-Mukhtar aa gaya

Ghar Amina ke Sayyid-e-Abrar aa gaya Khushiyan manao ghamzado ghamkhwar aa gaya

Jis waqt koi marhala dushwar aa gaya Us waqt kaam Sayyid-e-Abrar aa gaya

Barsin ghataein rahmaton ki jhoom jhoom kar Rahmat sarapa jab mera sardar aa gaya

Arsa judai ko hua ab to bulaiye Phir kaash! ro ro kar kahoon Sarkar aa gaya

Aaunga jab Madine to ro kar kahoon ga main Bhaga hua yeh tera gunahgar aa gaya

Bar-e-gunah sar pe hai aankhon mein ashk hain Bakhshish ki aas le ke gunahgar aa gaya

Mujh ko shifa do Ya Nabi marz-e-gunah se Dar par tumhare isyan ka bimar aa gaya

Bimar apne ishq ka mujh ko banaiye Yeh arz le ke dar pe main Sarkar aa gaya

Kasa liye umeed ka Sultan-e-Do Jahan Dar par tumhara talib-e-deedar aa gaya

Khali na loota koi bhi darbar se kabhi Sultan aaya ya koi nadar aa gaya

Sarkar! mujh ko sharbat-e-deedar ho ata Ab dam labon pe Ya Shah-e-Abrar aa gaya

Ghaus-o-Raza ka wasita hum ko bulaiye Aa kar khushi se sab kahein darbar aa gaya

Joote utaar lo chalo ba-hosh ba-adab Dekho Madine ka haseen gulzar aa gaya

Ab sar jhukaye zairo! parhte hue durood Ab ashkbar aage barho darbar aa gaya

Ishq-e-Nabi mein ashk karo pesh zairo Darbar-e-Aali manba-e-anwar aa gaya

Stop Wasting Storage - Download Lyrics in Lightweight Text Format!

Aage barho ae aasiyo qadmon mein ja paro Woh be-kason ka yawwar-o-ghamkhwar aa gaya

Ab muskurate aaiye su-e-gunah-gar Aaqa andheri qabr mein Attar aa gaya

Attar ko jo dekha utha hashr mein yeh shor Dekho ghulam-e-Sayyid-e-Abrar aa gaya