Kya Theek Ho Rukh e Nabwi

Kya theek ho rukh-e-Nabvi par misal-e-gul Pamal-e-jalwa-e-kaf-e-pa hai jamal-e-gul

Jannat hai un ke jalwe se juyaye rang-o-bu Ae gul hamare gul se hai gul ko sawal-e-gul

Un ke qadam se sala-e-ghali hui jinan Wallah mere gul se hai jah-o-jalal-e-gul

Sunta hoon ishq-e-Shah mein dil hoga khoon-fishan Ya Rabb yeh muzdah sach ho mubarak ho faal-e-gul

Bulbul haram ko chal gham-e-fani se faida Kab tak kahe gi haye woh ghunj-o-dalal-e-gul

Ghamgeen hai shauq-e-ghazah-e-khak-e-Madinah mein Shabnam se dhul sake gi na gard-e-malal-e-gul

Bulbul yeh kya kaha main kahan fasl-e-gul kahan Umeed rakh ke aam hai jood-o-nawal-e-gul

Bulbul! ghira hai abr-e-wila muzdah ho ke ab Girti hai ashiyana pe barq-e-jamal-e-gul

Ya Rabb hara bhara rahe dagh-e-jigar ka bagh Har mah mah-e-bahaar ho har saal saal-e-gul

Rang-e-muzhah se kar ke khajil yaad-e-Shah mein Khencha hai hum ne kanton pe itr-e-jamal-e-gul

Main yaad-e-Shah mein rowun anadil karen hujoom Har ashk-e-lalah faam pe ho ihtimal-e-gul

Hain aks-e-chehra se lab-e-gulgoon mein surkhiyan Dooba hai badr-e-gul se shafaq mein hilal-e-gul

Naat-e-Huzoor mein mutarannum hai andaleeb Shakhon ke jhoomne se ayan wajd-o-haal-e-gul

Download Lyrics & Access Offline - Install Our App Now!

Bulbul gul-e-Madinah hamesha bahaar hai Do din ki hai bahaar fana hai maal-e-gul

Shaikhain idhar nisar, Ghani-o-Ali udhar Ghunchah hai bulbulo ka yameen-o-shimal-e-gul

Chahe Khuda to payenge ishq-e-Nabi mein khuld Nikli hai namah-e-dil-e-pur-khoon mein faal-e-gul

Kar us ki yaad jis se mile chain andaleeb Dekha nahi ke khar-e-alam hai khayal-e-gul

Dekha tha khwab-e-khar-e-haram andaleeb ne Khatka kiya hai aankh mein shab bhar khayal-e-gul

Un do ka sadqah jin ko kaha mere phool hain Keeje Raza ko hashar mein khandan misal-e-gul