Kuch Nahi Maangta

Kuch nahin mangta shahon se yeh shaida tera Us ki daulat hai faqat naqsh-e-kaf-e-pa tera

Log kehte hain ke saya tere paikar ka na tha Main to kehta hoon jahan bhar pe hai saya tera

Sharq aur gharb mein bikhre hue gulzaron ko Naghaten baantta hai aaj bhi sehra tera

Ab bhi zulmaat farosho ko gila hai tujh se Raat baqi thi ke suraj nikal aaya tera

Poore qad se jo khara hoon to yeh tera hai karam Mujh ko jhukne nahin deta hai sahara tera

Offline Lyrics Anytime, Anywhere - Download the App Today!

Ek baar aur Taibah se Palestine mein aa Rasta dekhti hai Masjid-e-Aqsa tera