Khuld Meri Sirf Uski Tamanah

Khuld meri, sirf us ki tamanna, sallallahu alaihi wa sallam Woh mera Sidra woh mera Tuba, sallallahu alaihi wa sallam

Ghar-e-Hira mein woh tanha tha, tanhai mein bhi yakta tha Chaar taraf zikr-e-Iqra tha, sallallahu alaihi wa sallam

Qabl us ke masjood thay kitne, Firaun-o-Namrood thay kitne Kitne buton ko us ne toda, sallallahu alaihi wa sallam

Find Your Favorite Lyrics Anytime, Anywhere - Install the App Today!

Us ka jalal hai bahr-o-bar mein us ka jamal hai koh-o-qamar mein Us ki giraft mein alam-e-ashya, sallallahu alaihi wa sallam

Woh jo bazahir khaak-nasheen tha, lekin jo aflaak-nasheen tha Main hoon Nadeem ghulam usi ka, sallallahu alaihi wa sallam