Khuda Hi Mehram Har Ain o Aan e Rehmat Hai

خدا ہی محرم ہر این و آن رحمت ہے خدا ہی سب سے بڑا مدح خوان رحمت ہے

کہیں ہے حرف جلی اور کہیں ہے سترِ خفی کلامِ پاک سراسربیانِ رحمت ہے

بلند حق نے کیا ذکرِ مصطفیٰ ایسا زابن خلق پہ ہرسو اذانِ رحمت ہے

وارے فہم ہے تفضیلِ اہل بیتِ نبیؐ یہی پتا ہے کہ یہ خاندانِ رحمت ہے

وہ ہے مربیّ دُرِّ یتیم ابو طالبؑ کہ گرم و سردمیں جوپاسبان رحمت ہے

ہے لحم و جسمِ رسولؐ اور ہے تاجِ فرقِ بتولؑ علیؑ امام و شۃِ عارفانِ رحمت ہے

بیاں میں آ نہیں سکتے فضائل زہراؑ مگر یہی کہ وہ روح و روانِ رحمت ہت

حسنؑ جمال محمدؐ کا مظہرِ یکتا زِ فرق تا بہ قدم ترجمانِ رحمت ہے

وہ خودتوہےہی نبیؐ، نبیؐ بھی ہےاُس سے حسینؑ لختِ دل و حرزِ جانِ رحمت ہے

وہ حق شناس مشیر و رفیق، وہ صدیق خلیفۃ شہِ دیں، رازدانِ رحمت ہے

فہیم و فاتح و فاروق و مصلح و عادل عمر مرادِ نبیؐ، عزّ و شانِ رحمت ہے

حیا و حلم میں بے مثل ذاتِ ذو النورین غنی و مخزنِ اُمت ہے، کانِ رحمت ہے

بلال و بوذر و سلمان و مصعب و حمزہ جو مصطفیٰ پہ مٹا، وہ نشانِ رحمت ہے

اَنَس، معاذ، معوذ، اسامہ، زید، عمار ہرایک ان میں گلِ گلستانِ رحمت ہے

اویس و خالد و طلحہ، ابو عبیدہ، صہیب یہ اک قبیلۃ وارفتگانِ رحمت ہے

میں سجدہ ریز ہوں نوریؔ درِ رسالت پر جبینِ شوق سرِ آستانِ رحمت ہے