Woh Mustafa Ke Jo Rehmat Hai Jaan e Rehmat Hai

وہ مصطفیٰ کہ جو رحمت ہے جانِ رحمت ہے وہی تو ہے جو مجسم جہانِ رحمت ہے

حدود دور و ثغورِ دیار سے بالا زمیں پہ سایہ فگن آسمانِ رحمت ہے

کُھلا یہ راز بھی معراج مصطفیٰؐ کے طفیل جو لامکان ہے وہ بھی مکانِ رحمت ہے

محیطِ کون و مکاں میں سفینۃ ہستی ہے جس کےدم سےرواں، بادبانِ رحمت ہے

جو شش جہات میں نامِ خدا ہے گونج رہا سبب یہ ہے کہ یہ وردِ زبانِ رحمت ہے

Stop Wasting Storage - Download Lyrics in Lightweight Text Format!

ہےفرش وعرش کے مابین جو وسیلۃ وصل خدا گواہ، فقط نردبانِ رحمت ہے

حضورؐ آپ کا جلوہ ہے کائناتِ جمال حضورؐ آپ کا اُسودہ جہانِ رحمت ہے

رواں دواں جو رہےگا، رواں دواں جورہا اَزل سے تا بہ ابد، کاروانِ رحمت ہے

حکایتیں ہوئیں سب قصّہِ ہاۓ پارینہ ہراک زبان پہ اب داستانِ رحمت ہے

ہے تاج ختمِ نبوت جو آپؐ کےسرپر توآپؐ ہی کا ابد تک زمانِ رحمت ہے

ہے آفتابِ قیامت جو نارپاش تو کیا ہمارےسرپہ بھی اک سائبان رحمت ہے

ہم اپنے بَل پہ تو دشمن سے بچ نہ سکتے تھے قسم خدا کی یہ حفظ و امانِ رحمت ہے

نگاہِ لطف حضورؐ! اب عدو سمجھتے ہیں ہماری نشاۃِ نو ، امتحانِ رحمت ہے

کہاں میں عجز بیاں نوری ، ذوقِ نعت کہاں یہ معجزہ تو فقط ارمغانِ رحمت ہے