Khuda Hi Mehram Har Ain o Aan e Rehmat Hai

Khuda hi mehram-e-har ain-o-aan rehmat hai Khuda hi sab se bada madh-e-khwan-e-rehmat hai

Kahin hai harf-e-jali aur kahin hai satr-e-khafi Kalam-e-Pak sara sar bayan-e-rehmat hai

Buland Haq ne kiya zikr-e-Mustafa aisa Zaban-e-khalq pe har su azan-e-rehmat hai

Ware-e-fahm hai tafzeel-e-Ahl-e-Bait-e-Nabi ﷺ Yahi pata hai ke yeh khandan-e-rehmat hai

Woh hai murabbi-e-dur-e-yateem Abu Talib ؑ Ke garm-o-sard mein jo pasban-e-rehmat hai

Hai lahm-o-jism-e-Rasool ﷺ aur hai taj-e-farq-e-Batool ؑ Ali ؑ imam-o-shah-e-arifan-e-rehmat hai

Bayan mein aa nahi sakte fazail-e-Zahra ؑ Magar yahi ke woh rooh-o-rawan-e-rehmat hai

Hassan ؑ jamal-e-Muhammad ﷺ ka mazhar-e-yakta Ze-farq ta ba qadam tarjuman-e-rehmat hai

Woh khud to hai hi Nabi ﷺ, Nabi ﷺ bhi hai us se Hussain ؑ lakht-e-dil-o-hirz-e-jan-e-rehmat hai

Woh haq-shanas musheer-o-rafeeq, woh Siddiq Khalifat-e-shah-e-deen, razdan-e-rehmat hai

Faheem-o-fateh-o-Farooq-o-musleh-o-aadil Umar murad-e-Nabi ﷺ, izz-o-shan-e-rehmat hai

Haya-o-hilm mein be-misl zaat-e-Zunnoorain Ghani-o-makhzan-e-ummat hai, kaan-e-rehmat hai

Bilal-o-Buzar-o-Salman-o-Mus’ab-o-Hamza Jo Mustafa ﷺ pe mita, woh nishan-e-rehmat hai

Free Up Space - Get Lyrics Without Bulky Screenshots!

Anas, Mu’aaz, Mu’awwiz, Usama, Zaid, Ammar Har ek in mein gul-e-gulistan-e-rehmat hai

Awais-o-Khalid-o-Talha, Abu Ubaidah, Suhaib Yeh ek qabeela-e-wariftagan-e-rehmat hai

Main sajda-rez hoon Noori dar-e-risalat par Jabeen-e-shauq sar-e-astan-e-rehmat hai