Khawab Mein Dar Khula

Khwab mein dar khula huzoori ka Kya waseela bana huzoori ka

Ek kasak jab mujhe naseeb rahi Woh bhi tha marhala huzoori ka

Jaise jaise hui pazeerai Shauq barhta gaya huzoori ka

Kaif mein doobte gaye shab-o-roz Daur aisa chala huzoori ka

Ruye Anwar khayal se guzra Baab-e-roshan khula huzoori ka

Aansuon ke charagh jal uthe Jashn barpa hua huzoori ka

More Lyrics, Less Storage - Install the App and Ditch the Screenshots!

Mere dil mein jo daagh-e-hasrat tha Ban gaya aaina huzoori ka

Pairwi hai Huzoor ﷺ ki ya hai Safar-e-jaanfiza huzoori ka

Un ke dar par naseeb hota hai Haziri mein maza huzoori ka

Laakh haail gham-e-zamana hua Kaarwan kab ruka huzoori ka

Khatm hoga na baad-e-mehshar bhi Amal-e-irtiqa huzoori ka

Dil ka sab dard kar bayaan is mein Naat hai silsila huzoori ka

Haasil-e-zindagi samajh Taib Lamha-e-dilkusha huzoori ka