Khak Adam Khuda Ka Noor

خاک آدم خدا کا نور حضورؐ میری آنکھیں مرا شعور حضورؐ

انکسارِ تمدن و تہذیب دانش و علم کا غرور حضورؐ

ابتدا کائنات کی تخلیق انتہا آپ کا ظہور حضورؐ

آپ کی زندگی کے آنگن میں کتنی صدیوں کی ہیں قبور حضورؐ

گنبد سبز کا طواف کریں میری آواز کے طیور حضورؐ

میری نعتوں کا ایک ایک سخن آپ کے شہر کی کھجور حضورؐ

مجھ گنہگار کو بھی حاصل ہے ہجر میں وصل کا سرور حضورؐ

میرا دامن نہ بھیگنے پائے ایسے دنیا کروں عبور حضورؐ

More Lyrics, Less Storage - Install the App and Ditch the Screenshots!

عمرہ تو کرلیا ہے حج کرلوں مجھ کو بلوائیے ضرور حضورؐ

روز محشر جب آپ آئیں گے شور مچ جائے گا حضورؐ حضورؐ

آپ نے کر دیا مظفر کو بے نیازِ بہشت و حور حضورؐ