Kab Mujhe Aaqa Khudai Chahiye

Kab mujhe Aaqa ﷺ khudai chahiye Aap ke dar ki gadai chahiye

Dil ki basti mein hon yaadein Aap ki Is se rukhsat har burai chahiye

Zindagi se maut ki aagosh mein Bahr-e-isyan se rehai chahiye

Daman-e-rehmat ki azmat ke tufail Hashr mein mushkil kushai chahiye

Download Lyrics & Access Offline - Install Our App Now!

Aql ke jhanjhat se chutkara mile Ishq ki daulat suwai chahiye

Khelti hai aql holi khoon ki Ishq ki farman rawai chahiye

Chaar su phaili hui hai teeragi Bebasi mein rehnumai chahiye

Khwar-o-khasta ummat-e-maghmoom ki Behtari Aaqa ﷺ! bhalai chahiye

Chup rahoonga kuch nahi mangoon ga main Bas zara sar tak rasai chahiye

Maula! mohtaj-e-karam hai Sabri Chahiye haajat rawai chahiye