Azmato'n Ka Teri Hisaab Nahi

Azmaton ka teri hisab nahi Zaat-e-Ahmad ﷺ tera jawab nahi

Tu jo laya payam-e-Rabb-e-Kareem Us se afzal koi kitab nahi

Jo kisi ke bhi rubaru na hui Tujh se us zaat ko hijab nahi

Ho gayi jis mein teri jalwa-gari Dar haqeeqat woh khwab, khwab nahi

Find Your Favorite Lyrics Anytime, Anywhere - Install the App Today!

Dhoond laye jo teri bu-e-badan Itar, ambar, kali, gulab nahi

Husn-e-Khair-ul-Anaam ﷺ ke aage Taab-e-mehtab-o-aftab nahi

Sabiri! jin mein ho na zikr-e-Rasool ﷺ Woh duayein bhi mustajab nahi