Azmato'n Ka Teri Hisaab Nahi

عظمتوں کا تری حساب نہیں ذاتِ احمدؐ ترا جواب نہیں

تُو جو لایا پیامِ ربّ کریم اس سے افضل کوئی کتاب نہیں

جو کسی کے بھی روبُرو نہ ہوئی تجھ سے اس ذات کو حجاب نہیں

Never Be Without Your Favorite Lyrics - Get the App for Offline Access!

ہوگئ جس میں تیری جلوہ گری در حقیقت وہ خواب، خواب نہیں

ڈھونڈ لاۓ جو تیری بُوۓ بدن عطر، عنبر، کلی، گلاب نہیں

حُسن خیر الانام ؐ کے آگے تابِ مہتاب و آفتاب نہیں

صابریؔ! جن میں ہو نہ ذکرِ رسولؐ وہ دعائیں بھی مستجاب نہیں