Kab Mujhe Aaqa Khudai Chahiye

کب مجھے آقاؐ خدائی چاہیے آپ کے در کی گدائی چاہیے

دل کی بستی میں ہوں یادیں آپ کی اس سے رخصت ہر برائی چاہیے

زندگی سے موت کی آغوش میں بحرِ عصیاں سے رہائی چاہیے

دامنِ رحمت کی عظمت کے طفیل حشر میں مشکل کشائی چاہیے

عقل کے جھنجھٹ سے چھٹکارا ملے عشق کی دولت سوائی چاہیے

کھیلتی ہے عقل ہولی خون کی عشق کی فرماں روائی چاہیے

More Lyrics, Less Storage - Install the App and Ditch the Screenshots!

چار سُو پھیلی ہوئی ہے تیرگی بے بسی میں رہنمائی چاہیے

خوار و خستہ امتِ مغموم کی بہتری آقاؐ ! بھلائی چاہیے

چپ رہوں گا کچھ نہیں مانگوں گامیں بس ذرا سر تک رسائی چاہیے

مولاؐ! محتاج کرم ہے صابریؔ چاہیے حاجت روائی چاہیے