We've added ads to help keep the platform running and improving for you. Learn More
چلےہیں سُوۓ طیبہ قافلے پھر بڑھے جاتےہیں میرے فاصلے پھر
طلب گار نگاہِ شاہؐ دیں ہیں میرے اوراق میرےحاشیےپھر
سنا ہے اُن کی تشریف آوری ہے سجاۓ جارہا ہوں راستے پھر
میرے حالات آقاؐ جانتے ہو مجھے کہنا نہیں کچھ آپ سے پھر
ہے رشکِ لالہ و گل کی جو آمد معطرہو رہےہیں رت جگے پھر
طوافِ روضۃ اطہر کریں تو چمک پاتے ہیں سارے آئینے پھر
متاع عشق سینوں میں اگر ہو جنم لیتے نہیں ہیں وسوسے پھر
قلم اٹھے تریؐ توصیف کو جب اترتےہیں ردیف و قافیے پھر
بلاوا چاہۓ طیبہ نگر سے بسے یہ صابری یا چل بسے پھر
