Jo Galy Lagaye

Jo gale lagaye adu ko bhi woh Rasool mera Rasool hai Koi khali haath gaya nahi yeh mere sakhi ka usool hai

Tu jo chahe raazi ho Mustafa tu jo chahe tujh ko mile Kisi toote dil ko talash kar ke woh dil Khuda ko qabool hai

Jahan farshiyon ke qadam lage jahan arshiyon ke bhi sar jhuke Jahan ghamzada ko sukoon mile woh ek aastan-e-Rasool hai

No More Screenshots! Save Storage with Our Lyrics App!

Woh jahan jahan se guzar gaye wahan phool mehke bahaar ke Woh jahan gaye woh jahan ruke wahan rehmaton ka nuzool hai

Woh Nabi jo mera kare meri bakhshishon ki dua kare Mujhe bhool jaye woh hashr mein mere dushmanon ki bhool hai

Ise jhuk ke chooma hai arsh ne hai lagi Nabi ke yeh paanv Ise daal aankhon mein shauq se yeh dar-e-Rasool ki dhool hai

Ise koi dar hai na koi gham hai Nabi ka us pe sada karam Hai woh har nigah mein mohtaram jo ghulam-e-Aal-e-Batool hai

Yehi faisle hain shaoor ke sada geet gao Huzoor ke Nahi pyaar jis ko Huzoor se woh aadmi hi fazool hai

Hai tujhi se azmat-e-sarmadi hai tujhi se husn mein dilkashi Jise chhoo sake na khizan kabhi tu sada bahaar woh phool hai

Yeh Niazi jaye kahan shaha ke hai naam lewa yeh Aap ka Yehi ja ke kehna tu ae saba ke woh ghamzada hai malool hai