Jo Bhi Hum Ne Din Guzary

Jo bhi hum ne din guzarey darbar-e-Mustafa ﷺ mein The woh lamhay kitnay payaray darbar-e-Mustafa ﷺ mein

Hamein kya gharz kisi se hamein kya kisi se matlab Hain hamaray toh guzaray darbar-e-Mustafa ﷺ mein

Jo ata kiya Nabi ne na ata kiya kisi ne Kabhi chal o bay saharay darbar-e-Mustafa ﷺ mein

Subh-o-shaam walahanah woh salaam aajizanah Thay ajeeb hi nazaray darbar-e-Mustafa ﷺ mein

More Lyrics, Less Storage - Install the App and Ditch the Screenshots!

Aye meray hamnawaao unhein kya kahoon bataao Hain yeh aansoo ya sitaray darbar-e-Mustafa ﷺ mein

Woh Khuda ka bhi nahi hai na hi us ka koi deen hai Na naseeb jo sanwaray darbar-e-Mustafa ﷺ mein

Allah zaroor Nasir us ko ata karay ga Ke Khuda ko jo pukaaray darbar-e-Mustafa ﷺ mein