Mustafa Ke Deewane Kab Kisi Se Darte Hain

Mustafa ke deewane kab kisi se darte hain Zikr Kamli waale ka karne waale karte hain

More Lyrics, Less Storage - Install the App and Ditch the Screenshots!

Aql ke jo bande hain khud hi doob jaate hain Ishq wale toofan se doob kar ubharte hain

Aap ke paseene se jin gulon ko nisbat hai Mausam-e-Khazaan mein woh aur bhi nikharte hain

Pattharon se uthti hai goonj phir salaamon ki Jis gali mohallon se Mustafa guzarte hain

Fikr-e-Mustafa se hi zikr Mustafa se hi Bakht bhi jagate hain jhuliyaan bhi bharte hain

Dil jale haseenon par margay to kya hua Hum to hain deewane jo Nabi par marte hain

Aap ki mahafil mein Naseer aahi jaate hain Khush naseeb woh bande jo Khuda se darte hain