Jab Kabhi Hum Ne Ghum e Jaanan

جب کبھی ہم نے غم جاناں کو بھلایا ہوگا غم ہستی نے ہمیں خون رلایا ہوگا

دامن دل جو سوئے یار کھنچا جاتا ہے ہو نہ ہو اس نے مجھے آج بلایا ہوگا

آنکھ اٹھا کر تو ذرا دیکھ مرے دل کی طرف تیری یادوں کا چمن دل میں سجایا ہوگا

گردشِ دور ہمیں چھیڑ نہ اتنا ورنہ اپنے نالوں سے ابھی حشر اٹھایا ہوگا

ڈوب جائے نہ کہیں غم میں ہمارے عالم ہم جو رو دیں گے تو بہتا ہوا دریا ہوگا

Offline Lyrics Anytime, Anywhere - Download the App Today!

سوچئے کتنا حسیں ہوگا وہ لحظہ اخترؔ سر بالیں پہ دمِ مرگ وہ آیا ہوگا