Humare Bagh e Arman Main

ہمارے باغِ ارماں میں بہارِ بے خزاں آئے کبھی جو اس طرف خندہ وہ جانِ گلستاں آئے وہ جانِ یوسف آجائے اگر میرے تصور میں خدا رکھے وہیں کھنچ کر بہارِ دوجہاں آئے کوئی دیکھے مری آنکھوں سے یہ اعزاز آقا کا سلامی کو درِ حضرت پہ شاہِ قدسیاں آئے جمالِ روئے جاناں دیکھ لوں کچھ ایسا ساماں ہو کبھی تو بزم دل میں یاخدا آرام جاں آئے الٰہی اپنی ستاری کا تجھ کو واسطہ سن لے سرمحشر نہ بندے کا گنہ کوئی عیاں آئے کرم سے اس کمینے کی بھی مولیٰ لاج رکھ لینا ترا اخترؔ ترے سایہ میں شاہِ دوجہاں آئے