Hijr Di Mukdi Nai Raat

ہجر دہ مکدی نئیں رات مدینے والے پا کرم اپنے دی اک جھات مدینے والے

یاد وچ تیری جو اکھیاں نیں وگاۓ اتھرو کول ایہو مرے سوغات مدینے والے

تیرے دربار توں اک پل نہ جدا ہواں میں دس جے ہوون مرے حالات مدینےوالے

چہرہ بس آپ دا اک وار نظر آ جاوے ہون جد آخری لمحات مدینے والے

میرے مولا دی رضا اوس تے چھاواں کردی جس تے راضی اے تیری ذات مدینے والے

اک تیری ناں توں سوا ہور نہ پلے کجھ وی ایہہ ظوری دی اے اوقات مدینے والے