Har Ik Phool Ne Mujh Ko Jhalak Dikhai Teri

Har ek phool ne mujh ko jhalak dikhayi teri Hawa jidhar se bhi aayi, shamim layi teri

Woh shakhs apne muqaddar ka khud hai soorat gar Ke jis ne apne iradon mein lau lagayi teri

Kabhi hua na mera saamna andheron se Jidhar bhi dekha, udhar roshni hi payi teri

Mere naqoosh-e-qadam par charagh kyun na jalain Ke rehnuma hai meri, shaan-e-rehnumayi teri

Daroon-e-seena, Madinah uthaye phirta hoon Ke ek pal bhi gawara nahi judayi teri

Mujhe to apne karam ki yahin basharat de Ke roz-e-hashar na deta phiroon duhayi teri

Stop Wasting Storage - Download Lyrics in Lightweight Text Format!

Gawahi deta hai yeh irtaqa-e-insani Ke kaam aayi jahan bhar ko peshwayi teri

Mujhe qasam hai teri seerat-e-munazzah ki Ke taaj-o-takht par ek tanz thi chatayi teri

Yeh soch soch ke hairan hain farishte bhi Kahan kahan shab-e-Isra hui rasayi teri

Nadeem ke se karoron ka zikr kya hai ke jab Bare baron ko bhi tasleem hai barayi teri