Hain Wohi Rooh e Tammana

ہیں وہیؐ روح تمنّا اور جان آرزو فرش سےتاعرش ہےسب کواُنہیؐ کی جستجو

ہے فروغ اسم احمدؐ سے بہر سو روشنی ضوفشاں اس سےہوۓدونوں جہاں کےکاخ وکُو

آپؐ کی نسبت سےہی قائم ہےہستی کا بھرم ذِکر محبوبِ خداؐ سے ہے ہماری آبرو

رچ گئی ہےدل میں میری اُلفتِ خیر البشرؐ ہررگ وپے میں سرایت کرگئی وہ مُو بمو

آپؐ کےفیضاں سے حاصل آدمیت کو شرف محترم کعبےسے ٹھہراہے مسلماں کا لہو

اُلفت خیر الواریٰؐ سےآب یاری کےبغیر نخلِ ایماں پانہیں سکتا کسی صورت نمو

Find Your Favorite Lyrics Anytime, Anywhere - Install the App Today!

ہے چھلک اٹھا حجازی مےسےپیمانہ مِرا ہوگیا اس سےلبالب میرے اس دل کا سبو

چاک دامانی کا میری چارہ کچھ فرمایۓ سوزنِ رحمت سےاس کوآپ کردیجۓ رفو!

روزِ محشرگونجےگی جب'نفسی' 'نفسی' کی پکار آئیں گے بہرِ شفاعت سب اُنہیؐ کے روبرو

داورِ محشرسےمیری التجا ہےروزِ حشر رکھےپیشِ شافعِ محشرؐ وہ میری آبرو!

ہیں شہِ لولاکؐ نیرؔ باعثِ تخلیقِ کُل اورصدقہ آپؐ ہی کاہےجہانِ رنگ وبُو