Hain Wohi Rooh e Tammana

Hain wahi ﷺ rooh-e-tamanna aur jaan-e-aarzoo Farsh se ta arsh hai sab ko unhi ﷺ ki justuju

Hai farogh-e-ism-e-Ahmad ﷺ se bahar su roshni Zau-fashan is se huye dono jahan ke kaakh-o-koo

Aap ﷺ ki nisbat se hi qaim hai hasti ka bharam Zikr-e-Mehboob-e-Khuda ﷺ se hai hamari aabroo

Rach gayi hai dil mein meri ulfat-e-Khair-ul-Bashar ﷺ Har rag-o-pai mein sarayat kar gayi woh moo ba moo

Aap ﷺ ke faizan se hasil aadmiyat ko sharaf Mohtaram Kaabe se thehra hai musalman ka lahoo

Ulfat-e-Khair-ul-Wara ﷺ se aab-yari ke baghair Nakhl-e-imaan pa nahin sakta kisi soorat namoo

More Lyrics, Less Storage - Install the App and Ditch the Screenshots!

Hai chhalak utha Hijazi mai se paimana mera Hogaya is se laba-lab mere is dil ka saboo

Chaak-damani ka meri chara kuch farmayiye Sozan-e-rehmat se is ko aap kar dijiye rafoo!

Roz-e-mehshar goonje gi jab 'nafsi' 'nafsi' ki pukar Aayenge bahar-e-shafa'at sab unhi ﷺ ke roobaru

Dawar-e-mehshar se meri iltija hai roz-e-hashr Rakhe pesh-e-Shafi-e-Mehshar ﷺ woh meri aabroo!

Hain Shah-e-Lau-laak ﷺ Nayyar bais-e-takhleeq-e-kul Aur sadqa aap ﷺ hi ka hai jahan-e-rang-o-boo