Noor ul Khuda Kahun

Noor-ul-Huda kahoon, unhein Shams-ud-Duha kahoon Phooti shab-e-alast se jo woh ziya kahoon

Sab ghayaton ki ghayat-e-oola Huzoor ﷺ hain Hairan hoon main kya unhein ﷺ is ke siwa kahoon

Hairat mein par gaye hain mere khama-o-zaban Sochon mein gum hoon, midhat-e-Khwaja ﷺ mein kya kahoon

Midhat gari Huzoor ﷺ ke faiz-e-nazar se hai Ho aap ﷺ ka karam toh main harf-e-sana kahoon

Daim rahe wazifa durood-o-salam ka Har aan uthte baithte 'Sall-e-Ala' kahoon

Your Lyrics, Even Offline - Install the App for Free!

Woh jis se door ho gayi sadiyon ki teergi Rukhsaar-e-Mustafa ﷺ ki main us ko ziya kahoon

Ishq-e-Huzoor ﷺ ka mujhe zarra ho gar naseeb Us ko main khaas Rab-e-Ula ki ata kahoon

Maddah-e-Aankhuzoor ﷺ hai khud zaat-e-Kibriya Quran se main seekh kar un ki sana kahoon

Mehboob aur muhib ki ita'at hai ek shay Mehboob ﷺ ki raza ko raza-e-Khuda kahoon

Dono jahan ke masle hal aap ﷺ ne kiye Darain ka Huzoor ﷺ ko main aasra kahoon

Be-chargan ke aap ﷺ hi jab chara-saaz hain Ghairon se kis liye phir apna mudda'a kahoon