Dil Ke Hira Mein Apne Khuda Se

Dil ke hira mein apne Khuda se tere siwa kuch bhi to na maanga Tu mera awwal tu mera aakhir tu mera malja tu mera maawa

Baad-e-Khuda ik tu hi sahara gir gaya main tanha bechara Chaar taraf tareekh ka jungle taak mein apne ghaat mein aada

Kitne saheefey main ne khangaley nisf andherey nisf ujaley Tu hi haqeeqat tu hi sadaqat baqi sab kuch sirf hayoola

Yun to hazaar sayaney aaye rooh ka dasht basaney aaye Teri ghata sehraon pe umdi abr un ka daryaon pe barsa

But-khaney hairan kharey hain but tere qadmon mein parey hain Tere jamaal ki zad mein aakar kaisa kaisa patthar toota

Download Lyrics & Access Offline - Install Our App Now!

Tu ne diya mafhoom-e-namu ko tu ne hayaat ko maani bakhshey Tera wajood isbaat-e-Khuda ka tu jo na hota kuch bhi na hota