Dil e Bechain Ko Main Ne Diya Ik Dalasa Hai

Nabi ﷺ ke deen ko bachaya mere Hussainؑ ne tha Kalam-e Rabb bhi sunaya mere Hussainؑ ne tha

Jor naat-e Mustafa ﷺ se chal Madinah chalte hain Ishq-e Mustafa ﷺ mein woh qismaten badalte hain

Yeh kaisi ata parata ho gayi hai Likha jo Muhammadﷺ sana ho gayi hai Mujhe bhi khudara Madinay bala leen Yahan zindagi ab saza ho gayi hai Kya zikr maine Habib-e-Khuda ka Muattar yahan ki fiza ho gayi hai Main har pal sana-e Muhammadﷺ mein gum hoon Mere dil ko taskeen ata ho gayi hai Liya taregi mein jo naam-e Muhammadﷺ Mere chaar sau phir diya ho gayi hai Bichhar kar diar-e Nabiﷺ se Hazifa Khushi mujh se haraq khafa ho gayi hai

Zikr-e Ahmed ﷺ se main qismat ko jaga leta hoon Dil tadap jaaye to phir aansu baha leta hoon Jumbish-e-lab se kahin baat bigarti na rahe Is liye darte hue inko daba leta hoon Manzar-e-Tayyiba jo dil mein mere aata hai Dil ko thaame hue main sar ko jhuka leta hoon Khwaab mein unke paseene ki jo aati hai mehak Bhar ke kus-kool mein kandhon pe uthha leta hoon Ho Huzaifa ko ata phir se jo madhat ka suroor Misra-e phir naat ka gum ho ke bana leta hoon

Nabi ﷺ ka naam jab chamka ziya pai zamane ne Yahan zikr-e Muhammad ﷺ se shifa pai zamane ne Musibat ki ghari me jab pukara ya Rasul Allah Balaon se rahai phir sada pai zamane ne Parhe jao Muhammad ﷺ par durood-e pak kasrat se Yeh zikr-e khair hai is se shifa pai zamane ne Diyar-e Mustafa ﷺ teri Masihai ka kya kehna Jahan har dard ki ja kar dawa pai zamane ne Hazifah reh gaya dil mein liye armaan-e-ziyarat ka Madinah ki haseen lekin fiza pai zamane ne

Mere azm-e-safar ko bakhsh de tu hosla ya Rab Jhalak to apne dar ki dekhne ko ab bula ya Rab