Dar e Ahmed Pe Lab

درِ احمد پہ اب میری جبیں ہے مجھے کچھ فکر دو عالم نہیں ہے

مجھے کل اپنی بخشش کا یقیں ہے کہ الفت ان کی دل میں جاگزیں ہے

میں ہوں اور یادِ سرکارِ مدینہ یہ دنیا دل کی کس درجہ حسیں ہے

No More Screenshots! Save Storage with Our Lyrics App!

بہاریں یوں تو جنت میں ہیں لاکھوں بہارِ دشت طیبہ پر کہیں ہے

میں وصف ماہِ طیبہ کر رہا ہوں بلا سے گر کوئی چیں بر جبیں ہے

عبث جاتا ہے تو غیروں کی جانب کہ بابِ رحمت رحماں یہیں ہے

گنہگارو! نہ گھبرائو کہ اپنی شفاعت کو شفیع المذنبیں ہے

فریب نفس میں ہمدم نہ آنا بچے رہنا یہ مارِ آستیں ہے

ذرا آہستہ چل او چلے والے کہ اس جا اخترِؔ خستہ دفیں ہے

دلِ بیتاب سے اخترؔ یہ کہہ دو سنبھل جائے مدینہ اب قریں ہے