Bhool Bethi Hai Nazar

بھول بیٹھی ہے نظر نور کے جادے یا رب دل کو عشق شہ ﷺلولاک لما دے یا رب

ذات پر کتنے ہیں ناموں کے لبادےیا رب پردۂ میم اُلٹ کر یہ بتا دے یارب

جلوۂ سرکار ﷺاس طرح دکھادےیارب مجھ کو خود میری نگاہوں سے چھپا دے

دل تیرا گھر ہے تو اس میں اندھیرا کیسا لی مع اللہ کی کوئی شمع جلا دے یارب

ہم کو بال و پر جبریل کا ارمان نہیں نقش نعلین نبیﷺ دل کو بنا دے یارب

بے ضمیری کے اندھیروں نے بجھا دی روحیں اک کرن روشنی غار حرا دے یا رب

فضل محدود ہے تیرا نہ کرم آقا ﷺکا درد بھی دے تو زمانےسے جدا دے یا رب

مٹ نہ جاۓ کہیں سینے کی جلن اشکوں سے غم کے شعلوں کو مدینے کی ہوا دے یا رب

آسرا رحمت کل کا ہے گنہ گاروں کو تجھ سے پوشیدہ عمل ہیں نہ ارادے یا رب

Never Be Without Your Favorite Lyrics - Get the App for Offline Access!

صدقہ شاہ ﷺمدینہ ہو عطا شوق کو بھی جز ترے دل کی مرادیں کوئی کیا دے یا رب