Bari Umeed Hai Sarkar Qadmon Main Bulayein Ge

Badi umeed hai sarkar qadmon mein bulayenge Karam ki jab nazar ho gi Madine hum bhi aayenge

Agar jana Madine mein hua hum gham ke maron ka Makeen-e-Gumbad-e-Khizra ko haal-e-dil sunayenge

Gunahgaron mein khud aa aake shamil parsa honge Shafi-e-Hashr jab daman-e-rehmat mein chhupayenge

Find Your Favorite Lyrics Anytime, Anywhere - Install the App Today!

Qasam Allah ki ho ga woh manzar deed ko qabil Qayamat mein Rasool Allah jab tashreef layenge

Qayamat tak jagayenge na phir Munkar Nakeer us ko Ahad mein woh jise apna rukh-e-zeba dikhayenge

Gham-e-ishq-e-Nabi se hoga jab mamoor dil Nayyar Tere zulmat kade mein bhi sitare jagmagayenge