Uthaa Ruh Se Parda Zara Faiz e Aalam

Utha rukh se parda zara Faiz-e-Aalam Dikha apna jalwa dikha Faiz-e-Aalam

Tajalli-e-aks-e-jamal-e-Muhammad ﷺ Hai tanveer-e-mushkil kusha Faiz-e-Aalam

Tera naam-e-nami ilaj-e-gham-e-dil Tera dar hai dar-ush-shifa Faiz-e-Aalam

Jhuke aap ke dar pe aqtab-e-aalam Hue sar-ba-kham auliya Faiz-e-Aalam

Nigahain meri tere jalwon ki talib Mere dil ka hai mudda Faiz-e-Aalam

Gadayi mili aap ﷺ ke dar ki jab se Mila hai talab se siwa Faiz-e-Aalam

Bahar-e-dar-e-khuld se kam nahi hai Tere aastan ki faza Faiz-e-Aalam

Tere sabz gumbad pe anwar-e-rehmat Baraste hain subh-o-masa Faiz-e-Aalam

No Internet? No Problem! Get the App for Offline Lyrics!

Teri sham-e-marqad se phaili jahan mein Charagh-e-haram ki ziya Faiz-e-Aalam

Idhar bhi hon lutf-o-karam ki nigahain Mera bakht-e-khufta jaga Faiz-e-Aalam

Sawali hai Nayyar tere aastan par May-e-ishq-e-Ahmed ﷺ pila Faiz-e-Aalam