Bagh e Do Alam Dam Se Tumhare

Bagh-e-do aalam dam se tumhare hai gulzar Rasul-ul-Allah Kon-o-makan hain rukh se tumhare pur-anwar Rasul-ul-Allah

Tum ho hashr ke raaj dulaare noor-e-Ilahi arsh ke taare Naiya mori laga do kinare khewan haar Rasul-ul-Allah

Maula tum ne hamare gham mein shab bhar ro kar ki hain aahein Ummat par hai roz-e-azal se kitna pyaar Rasul-ul-Allah

Find Your Favorite Lyrics Anytime, Anywhere - Install the App Today!

Bhooli bhedein hum hain tumhari chaaron taraf hain gurg-e-shikari Koi nahi hai bachane wala ho gham-khwar Rasul-ul-Allah

Haaye na ki kuch hum ne kamai laho-o-la'ab mein umr ganwai Ab jo ghadi pursish ki aayi tum ho yaar Rasul-ul-Allah

Chaaho bigado ya ke sambhalo chaaho dabaao ya ke nikalo Tum ho hamare maalik-o-haakim hum lachaar Rasul-ul-Allah

Maula chashm-o-qalb mein aa ja lillah bakht-e-siyah chamka ja Ujra ban hai hamare dil ka kar gulzar Rasul-ul-Allah

Kar ke shafa'at tum bakhshaao daaman dhak kar 'aib chhupaao Hashr mein apna koi nahi hai haami-e-kaar Rasul-ul-Allah

Raah kathan aur door hai manzil sar par isyaan paaun hain ghayal Haaye chalein hum le kar kyonkar yeh anbaar Rasul-ul-Allah

Khol do gesu barse rehmat dhul kar isyaan paak ho ummat Chamke siyah bakhton ki qismat shab hai taar Rasul-ul-Allah

Dooba hua sooraj palta ya chaand ko tukde kar ke dikhaya Hukm se tere kar sake koi kab inkaar Rasul-ul-Allah

Chaaho jise firdous mein ja do chaaho jise dozakh mein bhej do Jannat-o-naar hain milk tumhari ho mukhtaar Rasul-ul-Allah

Khud hi Khuda ne tum ko padhaya ilm na tum se koi chhupaya Rab ne tumhare khole hain tum par sab asraar Rasul-ul-Allah

Aaj Jameel-e-Qadri dil se zikr apne aaqa ka kar le Door karenge beshak tere sab afkaar Rasul-ul-Allah