Alam Ki Ibtida Bhi Tu Inteha Bhi Tu

Aalam ki ibtida bhi hai Tu, intiha bhi Tu Sab kuch hai Tu, magar hai kuch is ke siwa bhi Tu

Tu ek bashar bhi aur Khuda ka habib bhi Noor-e-Khuda bhi Tu hai, Khuda ka pata bhi Tu hai

Kunda dar-e-azal pe tera ism-e-pak tha Qasr-e-abad mein goonjne wali sada bhi Tu

Farda-o-haal-o-maazi-e-insaan yahi to hai Tu hi Tu hoga, Tu hi Tu hai aur tha bhi Tu

Tu sirf ek zaat hai ya poori kainat Dil mein bhi Tu hi Tu hai, magar ja-ba-ja bhi Tu

Yun to mere zameer ka masnad-nasheen bhi hai Lekin hai shash-jihaat mein jalwa-numa bhi Tu

Tu mera aasman bhi, meri kahkashan bhi hai Meri qaba bhi Tu, mera chaak-e-qaba bhi Tu

Tu meer-e-karwan bhi hai, samt-e-safar bhi hai Mera imam bhi, mera qibla-numa bhi Tu

Sirf ek tera naam hai wird-e-zabaan mudaam Meri dua bhi Tu, meri mudda'a bhi Tu

Jo mail dil pe the teri rehmat se dhal gaye Bemaar-e-gumrahi ko naveed-e-shifa bhi Tu

Badle hain mere subah-o-masa Tu ne jis tarah Badlega ek din mere arz-o-sama bhi Tu

Stop Wasting Storage - Download Lyrics in Lightweight Text Format!

Be-aajiz tere dar se na palte gi meri naat Ek aur naat ka mujhe dega sila bhi Tu