Ahmed Ahmed Bolay Dil

احمدؐ احمؐد بولے دل ہر اک سانس میں دیپ جلائے خون میں خوشبو گھولے دل

دروازے سے کھلتے ہیں رات گئے جب سینے میں بھیڑ لگے طوفانوں کی میرے ہجر سفینے میں آنسو آنسو ڈولے دل احمدؐ احمدؐ بولے دل

سارے جسم پہ آنکھوں کی چادر اوڑھ کے جاؤں میں آئے جدھر سے ان کی چاپ ، چاپ کے پیچھے جاؤں میں میرے پیچھے ہولے دل احمدؐ احمدؐ بولے دل

More Lyrics, Less Storage - Install the App and Ditch the Screenshots!

آنکھیں ڈوبی ڈوبی ہیں سانسیں خالی خالی ہیں درد نے جیون ڈوری میں جتنی گرہیں ڈالی ہیں ایک اک کرکے کھولے دل احمد ؐ احمدؐ بولے دل

عشق کی راہ میں دھوپ بہت اور بہت کم چھاؤں پڑے قدم قدم اس دنیا کے سینے کے اوپر پاؤں پڑے کھائے جب ہچکولے دل احمدؐ احمدؐ بولے دل