Abr e Karam Gesuye Muhammad
Mufti Akhtar Raza Khan Qadri Azhari
ابرِ کرم گیسوئے محمد دونوں حرم ابروئے محمد
سب کی نظر ہے سوئے کعبہ کعبہ تکے ہے روئے محمد
کعبے کو کس نے بنایا قبلہ کعبے کا کعبہ روئے محمد
سجدۂِ سر ہے سوئے کعبہ سجدۂِ دل ہے سوئے محمد
سارے چمن میں کس کی خوشبو خوشبو ہے خوشبوئے محمد
کس کی چمک ہے پیکرِ گل میں گل میں کِھلا ہے روئے محمد
دھارے چلے ہر اُنگلی سے ان کی دیکھو وہ نکلی جوئے محمد
سب سے انوکھا موئے محمد سب سے نِرالی کوئے محمد
کس کا منہ دیتا ہے گواہی موئے محمد موئے محمد
زندہ ہے واللہ زندہ ہے واللہ جانِ دو عالم روئے محمد
بھینی بھینی خوشبو لہکی کُھل گئے جب گیسوئے محمد
یہ رہ مہکی وہ رہ مہکی کھل گئے جب گیسوئے محمد
Offline Lyrics Anytime, Anywhere - Download the App Today!
صبح رخِ روشن سے دوبالا حسنِ شبِ گیسوئے محمد
شامِ رنگیں صبحِ دل آرا ہر دو بہم در روئے محمد
شامِ معنبر، صبح منور ہر دو بہم در روئے محمد
اخترِ خستہ چل دے جِناں کو باغِ جناں ہے کوئے محمد
صلى الله عليه وسلم
© 2026 Midhah Lyrics. All rights reserved