Aaqa Huzoor Aap Ki Azmat Pe Ho Salaam

آقا حضورؐ، آپؐ کی عظمت پہ ہو سلام محشر تلک ہیں آپؐ ہردور کے امام

رحمت بنا کےآپؐ کو بھیجا گیا حضورؐ ہے ساری کائنات میں فیض آپ کا ہی عام

ضامن سلامتی کے بھی تا حشر آپؐ ہیں مبنی سخا وعدل پرہے آپؐ کا نظام

Instant Access to Thousands of Lyrics - Tap to Install!

بندہ نہیں وہ رب عظیم و جلیل کا جو آپؐ کا بہ ظاہروباطن نہیں غلام

یا رب!کرم کی بھیک مجھےدم بہ دم ملے روشن رہے چراغِ محبت مرا مدام

ہر پّتہ بھیجتا ہے سلاموں کی ڈالیاں ہر ذرہ کررہاہے محمدؐ کا احترام

بعد از خدا حضورؐہی کا نام ہے حسین میرا تو ایک ہی وظیفہ ہے صبح و شام