Aap Ka Naam Naami Hi Naat

آپ کا نام نامی ہی نعت آپؐ کی میری نعتوں کا دیوان ذات آپؐ کی

ربِّ اکبر اتالیق ہے آپؐ کا تربیت گاہِ عالم حیات آپؐ کی

وقت اور فاصلے آپؐ کے ساتھ ہیں آپؐ دولھا ہیں دنیا برات آپؐ کی

مردہ دل بھی مسیحائی کرنے لگے زندگی کا سویرا ہے رات آپؐ کی

جب سے میں آپؐ کے راستوں پر چلا چاپ، رہنے لگی میرے ساتھ آپؐ کی

میری آنکھوں میں ڈوبا ہوا ہے قلم میرا ہر ایک آنسو دوات آپؐ کی

More Lyrics, Less Storage - Install the App and Ditch the Screenshots!

یا محمدؐ کا میں نے وظیفہ کیا پڑھ کے نکلا ہوں ساری لغات آپؐ کی

آپؐ کو چاہ کر معتبر میں ہوا میرے ہونٹوں پہ ہے ٗ بات بات آپؐ کی

خوانِ رحمت سے چُنتا ہے اپنی غذا کھا رہا ہے مظفر زکوٰۃ آپؐ کی